Saturday, October 13, 2012
စစ်ပွဲများ(၄)
အာဖရိကရဲ့မြက်ခြောက်ပင်တွေပေါ်မှာ
အရေပေါ်အရိုးတင်ထားတဲ့ ကလေးငယ်တစ်ယောက်ထိုင်နေတယ်။
သူ့နောက်ကျောမှာ လင်းတငှက်တစ်ကောင်
သူ့ရဲ့ညစာကို စိတ်ရှည်လက်ရှည်စောင့်လို့။
တ၀ုန်းဝုန်းပေါက်ကွဲသံတွေထဲကပြေးထွက်လာတဲ့လျှာတစ်ချောင်းက
သူ့ခန္ဓာကိုယ်ပေါ်က အ၀တ်စတွေကိုစိတ်ကြိုက်စားသောက်လို့။
မီးတောက်များတန်းလန်းနဲ့ပြေးထွက်လာတဲ့
အဲ့ဒီ ဗီယက်နမ်ကလေးမလေးရဲ့ကိုယ်လုံးတီးဓါတ်ပုံ
နယ်ခြားမျဉ်းတွေကိုခုန်ကျော်လို့ ကမ္ဘာပေါ်ပုံလဲကျသွားတယ်။
ဘုရားသခင်
မိုးရိပ်မိုးငွေ့တွေသန်းလာတဲ့အခါ ဘာလို့မှန်းမသိ
ကျွန်တော်ငိုချင်လာမိတယ်။
စစ်ရိပ်စစ်ငွေ့တွေသန်းလာတဲ့အခါမှာတော့
ကျွန်တော်ဟာ
အဖိုးအဖေနဲ့အမေတို့ရှိရာသင်္ချိုင်းမြေဆီတဟုန်တိုးပြေး
သူတို့အုတ်ဂူတွေကို
ခွေးတစ်ကောင်အမဲရိုးရှာသလို အသည်းအသန်ယက်ကန်ကာဖွင့်
တစ်ကိုယ်လုံးတစ်ဘ၀လုံးပစ်ဝင်
စစ်ကိုအပြီးဝင်ရှောင်ပုန်းနေလိုက်ရတာ
ဒီနေ့အထိ ကျွန်တော့်ကိုယ်ကျွန်တော် ပြန်ထုတ်လို့မရတော့ဘူး။ ။
ခရမ်းပြာထက်လူ
၂ ၀ ၁ ၂
Subscribe to:
Post Comments (Atom)
No comments:
Post a Comment