Saturday, December 12, 2015

လိပ်ပြာကန်

လိပ်ပြာကန်

ဒီမှာ တစ်ညနေကို ၃ ပတ်နဲ့သာ
လှုပ်လှုပ်ပြီး သောက်/လျှောက်လိုက်
မင်း ကားကို ငါကျော်တက်လို့ရပြီ။

သန့်ရှင်းသော အစိုးရနဲ့ ကောင်းမွန်သောအစိုးရထက်
ဒီကန်ကို ငါပိုယုံတယ်။
ငါတို့ခေတ်က
ဘယ်လေထုကိုကြည့်ကြည့်
ဘယ်အစာကိုငေးငေး လွတ်မြောက်ရေးဆိုတာ မရှိ။

တစ်ကိုယ်လုံးပြာကျသွားအောင်
ဦးထုပ်ကိုချွတ်
ခြေအိတ် လက်အိတ်ကိုချွတ်
အစိုးမရတဲ့ အစိုးရဆိုတာကိုချွတ်
ကိုယ်လည်ပင်း ကိုယ်ကြိုးကွင်းစွပ်ထားတဲ့
ကိုယ့်နေမှု ထိုင်မှု စားမှုတွေကို ခဏချွတ်
ရှာသမျှ သဲထဲရေသွန်မဖြစ်အောင်
ဒီနေရာရောက်ရင် ကျွိကနဲ ဘရိတ်အုပ် ဒိန်ချဉ်စုပ်သလို
ဒီကန်ကို
ခန္ဓာ ငါးပါးနဲ့ အမိအရ လှမ်းသာစုပ်လိုက်။

ပါးစပ်သာ ဟထား
သူ့အလိုလိုကျလာလာမယ့် ပေါင်မုန့်တွေ
သူဗိုက်ဝပြီး
ကိုယ်အသက်ရှည်မယ့် ညနေခင်းအောက်က ငါးတွေနဲ့ ရွှင်စရာ။

အနောက်ကိုရောက်တဲ့အခါ
အရှေ့မှာ ရွှေရောင် ရွှေမော်ဓောဘုရားကြီး
အဲ့ဒီညနေများ
အရှေ့ကိုရောက်တဲ့အခါ 
အနောက်မှာ ကန်ပေါ်ကို လိမ္မော်ခင်းကြီးလွင့်ကျလို့။

ကန်ရေပြင်မှာ ကိုယ့်အေးချမ်းမှုဟာ ကွက်ကွက်ကွင်းကွင်း
ဘေးမှာ ဘယ်လောက်ပဲမြန်မြန်မောင်းမောင်း
ကိုယ့်ကိုမမီတော့မယ့် ကားတွေ။
အဆုပ်သာဖွင့်ထား
ဝါးလုံးထိုးစီးဆင်းလာမယ့် လေပြည်လေညှင်းတွေနဲ့ ခင်ဗျားလည်း နင်သွားမယ်။

တစ်ဘဝစာ အကျဉ်းကျမှုအတွက်
တစ်ကိုယ်တော် ဆန္ဒပြဖို့ အကောင်းဆုံးနေရာ။

ကိုင်း ကြည့်စမ်း
ဒီ လေ လောက် လေးလံတဲ့ သယံဇာတ ရှိဦးမလား။

ရပ်ကွက်ထူထူ တိုက်ခန်းကျဉ်းကျဉ်း
စည်းမဲ့ ကမ်းမဲ့ လမ်းပူပူတွေပေါ်က ထွက်လာခဲ့
နိစ္စဓူဝ ပန်းဘဲဖိုထဲမြုပ်နေတဲ့
ကိုယ့်မျက်လုံးတွေ ကိုယ်ပြန်ဆွဲနှုတ်ပြီး
ညနေ ညနေ
ဒီ လိပ်ပြာကန်ထဲ လာပစ်ချလိုက်ကြပေါ့။

ခင်ဗျားတို့ရဲ့အရှုံးတွေ
လကဆွဲတင်လိုက်တဲ့ ပင်လယ်ရေမျက်နှာပြင်လို ကုန်းထလာလိမ့်မယ်။
ခင်ဗျားတို့ရဲ့ သုခလိပ်ပြာတွေ
ဖီးနစ်ငှက်တစ်ကောင်လို ပျံတက်လာလိမ့်မယ်။

တစ်ခုတော့ရှိတယ်
လိပ်ပြာကန်ဆိုတာ 
ညည ခင်ဗျားတို့ "ကာမ" မီး လာနင်းရမယ့်နေရာမဟုတ်ဘူး
မီးပုံထဲက ခုန်ထွက်ရမယ့် နေရာဆိုတာတော့ သိကြ။ ။


ခရမ်းပြာထက်လူ
၂    ၀    ၁     ၄

ခင်ဗျား ဝ လာတယ်

ခင်ဗျား ဝလာတယ်

နည်းနည်း ဝလာတယ် ဝင်ဝင်စွက်ဖက်ရင်း
ဝက်တစ်ကောင်လို ဝေါင်းကနဲဟိန်းတတ်တဲ့ သတ္တဝါတစ်ကောင်လို
ဝါးလုံးခေါင်းထဲ သာနေတဲ့ လလို ဝလာတယ် ဝ လာတယ်
ဝ လာတော့ သုညတွေ ဘေးရှဲ ပလပ်စတစ်တွေ ပါလာတယ်
Ciassic တွေ ဘေးရှဲ ပလာစတာတွေပါလာတယ်
ဝ လာတော့ ပယ်နယ်တီစပေါ့မှာ ကျကျနနတည်တာပေါ့
ပယ်ပယ်နယ်နယ်ကန်သွင်း ဝ လာတယ် ဝင်သွားတယ်
ခြစားသွားပြီ တစ်ကောင်ပြီးတစ်ကောင် ချစားသွားပြီ
ဝဖြိုးလာတဲ့ ဝံကြီး ဝက်ဝံကြီးဟာ ဝဝမဲမဲ ဖြူဖြူတုတ်တုတ်
တစ္ဆေသူရဲ သဘက်ပြိတ္တာလို " ချီးယား " ဆိုကာ ရွှမ်းကနဲ
" OK " ဆိုကာ  ရွှမ်းကနဲ ခွမ်းကနဲ ခွမ်းကနဲ ခေါင်းတွေ တစ်ခေါင်းပြီးတစ်ခေါင်း
ကျကွဲ ၊ ဝံကြီး ဝက်ကြီးဟာ ဝက်ဝက်ကွဲကွဲ အောင်မြင်
တောထဲ တောင်ထဲမှာ ပျားရည်တန်ချိန် တစ်သောင်း နှစ်သောင်း
နယ်မြေဒေသ ရွေ့ပြောင်းရင်း ရှုစား ၊ ဝလာတယ် ဒီတော့
ခေါင်းတွေဟာ လှိုင်းခေါင်းဖြူတွေဟာ တစ်လုံးပြီးတစ်လုံး
ပြေးပြေးစောင့် ကျောက်ဆောင်မှာ ကျောက်မျက်ရတနာတွေရှိတဲ့အတိုင်း
ရိုင်းလာတယ် ၊ ဝ လာတဲ့လှိုင်းများ ကျိုင်းကောင်လို
တစ်အုပ်ပြီးတစ်အုပ် မြို့တွေပေါ် ကိုင်းကျလာတယ်
ခြေတစ်ဖက် လက်တစ်ဖက် ကျောက်ကပ်တစ်ခု ဦးနှောက်တစ်ခြမ်း
ဝါးခြမ်းပြား ထောင်ထားသလို ဒါပဲရှိတယ် ၊ ဒါကိုထုတ်ပြ
ဝ လာတယ် ခုခံလို့မရအောင် ခင်းပြလို့မရအောင်  ညများ နေ့များ
ဝ လာတယ် ဖွဲနု ထမင်းရည် ကန်စွန်းရွက်မစားပဲ ဝ လာတယ်
ဘယ်ဘဝကလည်း ဘယ်နယ်ကလည်း ဘယ်ကိုသွားမှာလည်း
ခင်ဗျားတို့ ကျွန်တော်တို့ ဝ လာတယ် ၊ ချိုင့်တွေ ပလုံးတွေ ဒန်ခွက်တွေဆွဲ
မြောင်းတွေ မြက်တွေ မျက်ရည်တွေနဲ့ ဝ လာတယ်
ခင်ဗျား ဝ လာတယ်
ခေါင်းက ဗုိ့အား ဘယ်လောက်အရိုးခေါင်း အန္တရာယ်ပေးသတိပေးတံဆိပ်လို
ကိုယ်က မွေးမြူရေးဝက်တစ်ကောင် ဝသလို ဝ လာတယ်
ဝတ်စရာမရှိတော့အောင် ခင်ဗျား ဝလာပေါ့
ဝေါကနဲ အန်ထုတ်စရာမရှိအောင် ရှောင်စရာ ရှိုးစရာမရှိအောင်
ခင်ဗျား ဝလာ ပေါလစ်ရ်ှတင်လို့မရအောင် တောင်းပန်လို့မရအောင်
သေရင် အခေါင်းနဲ့ ကားနဲ့မဆန့်အောင် ကားပေါ်မှာ ခင်ဗျားမရှိသယောင်
ခင်ဗျား ဝ လာတယ်၊ ပုရွက်ဆိတ်လိုလို ဆင်လိုလို 
ဆောက်လက်စ အကျဉ်းထောင်လိုလို စိမ်လက်စ မံမီ ရုပ်အလောင်းများလို
ခင်ဗျား ဝ လာတယ် ဝ လာတယ်
ဘောင်းဘီ အတို လက်ကိုင်ဖုန်းနဲ့ ဘယ်ကို လှမ်းခေါ်ရမှန်းမသိတဲ့ အတွေးအခေါ်နဲ့
ဝ လာတယ် ၊ ခု ရယ်နေတယ် ငယ်ငယ်က ငိုနေတဲ့အတိုင်း
လိုင်းနည်းနည်း ရွေ့စမ်း ဟုတ်တယ် အဲ့ဒီအသံ အဲ့ဒီဟန် အဲ့ဒီ ဆုံးဖြတ်ချက်ပဲ
ဝ လာတယ် ဘဝင်ဟာ ဝလာတယ် အရိုးတွေဟာ ဝ လာတယ်
အသားတွေ ဒုက္ခတွေဟာ ဝ လာတယ်
ဓားပြကြီးဟာ ဝ လာတယ်
ဝံကြီး ဝက်ဝံကြီး နွားကြီး ဝက်ကြီးဟာ ဝ လာတယ်
ကမ္ဘာကြီးဟာ
ကပ်ဘေးဒုက္ခများနဲ့ အလျှင်အမြန် ဝ လာတယ်။ ။

ခရမ်းပြာထက်လူ
၂၀၁၀ ခုနှစ်ထုတ် " နံရံမှာ ငါရေးထွင်း "ကဗျာစာအုပ်မှ


ရိုဒင် ငါတော့ လစ်ပြီ

ရိုဒင် ငါတော့ လစ်ပြီ

ရိုဒင်
ခင်ဗျားထွင်းထုထားတဲ့ ကိုယ်လုံးတီးတွေးခေါ်နည်းနဲ့
ထိုင်နေတယ် ၊ ထသွားရအခက်
ထိုင်နေတယ် ၊ ဘာမှဖြစ်မလာလည်း ထိုင်နေတယ်
ဖြစ်လာလည်း " ထိုင်း "နေတယ်၊ ထိုင်နေတယ် အနယ်ထိုင်သလို
ပင်လယ်ကြမ်းပြင်အောက် ပစ်ကျသွားသလို ထိုင်နေပေါ့
ဝေါ့ထရိတ်စင်တာကြီး ပြိုမကျခင် ၊ အခန်းထဲ
ဘုရားသခင်နဲ့ ၂ ယောက်ချင်း ခေါင်းချင်းဆိုင်သလို
ထိုင်နေပေါ့ လှမ်းကြည့်လိုက်တော့ ကြိုးတန်းပေါ်
လှန်းထားတဲ့ ရှုမျှော်ခင်းတွေ တွေ့တယ်
သွေးတိုးနေတာလား သွေးပျက်နေတာလား
မျက်နှာကြီး အန်းလို့ ဥယျာဉ်
ဘဲငန်းတွေက ဘယ်ဆီ ဘယ်ဝယ် ရေအိုင်မှာ ဝဲလယ်လို့
ထိုင်နေတယ် ငါဟာ ကျွန်တော်ဟာ
ခုန်ထလို့ မရတော့တဲ့ခုံတစ်ခုံပေါ် ရှုခင်းကို
ကသိုဏ်း ၁၀ ပါးထဲက လူသေကသိုဏ်းရှုသလို ရှုစားရင်း
ပစ်ချလို့မရအောင် လောင်ကျွမ်းနေတဲ့
ကောင်းကင်ကြယ် လေယာဉ်ပျံနဲ့ လေးဘက်နာကမ္ဘာကြီးကို
ခုံကလေးပေါ်ထိုင်လို့
အထိုင်ကျတန်းစီနေတဲ့ အရသာများကို
အရသာပါအောင် မြည်းစမ်းထိုင်နေပေါ့
ထော့နင်းထော့နင်းနဲ လာနေတဲ့နာရီ
ထိန်ထိန်သာနေတဲ့ ညနေခင်းကို ငြင်းမလွတ်ပဲ ဂရုမစိုက်ပဲ
ထိုင်နေပေါ့
ထောပတ် ဒိန်ခဲ နွားနုိ့ ရင်သားဖေါ်ဆောင်မှုလမ်းညွှန်များကို
မျက်ကွယ်ပြု ထိုင်နေပေါ့
ထိုင်လေ ခင်ဗျားလည်းသွားစရာမရှိတော့ရင်
ခဏတဖြုတ် သစ်သီးခူးလိုက်ရအောင်
ခဏတဖြုတ် မောင်းဖြုတ်လိုက်ရအောင်
ခဏတဖြုတ် စေတီတစ်ဆူရဲ့အရိပ် ဖိတ်စင်လိုက်ကြရအောင်
ချောင်နေတဲ့အင်္ကျီထဲမှာ ချောင်နေတဲ့
ချောင်တစ်ချောင်မှာ ချောင်နေတဲ့ ဘတ်စ်ကားတစ်စီးထဲမှာ
တစ်မြို့လုံး တစ်ယောက်မှမရှိတော့တဲ့ စစ်မျှော်ခင်းထဲမှာ
အငွေ့တလူလူထွက်နေတဲ့ လူသေစိုက်ခင်းများထဲ
ကျွန်တော် အိမ်မပြန်တော့ဘူး
ငါ့ရန်သူက ငါ့အိမ်ကိုမှတ်မိတယ်
ရိုဒင်
ခင်ဗျားလက်နဲ့ ကျုပ်အသက်ကို ရအောင်ထုဆစ် လစ်ပြီ။ ။

ခရမ်းပြာထက်လူ
၂၀၁၀ ခုနှစ်ထုတ် "နံရံမှာ ငါရေးထွင်း" ကဗျာစာအုပ်မှ

Friday, December 11, 2015

သမီးသို့ ( ၅ )

သမီးသို့ ( ၅ )

သမီးကို ဖြစ်စေချင်တာက
ကမ္ဘာကြီးကို အကြာကြီးချစ်စေချင်တာ။
ဒီကိစ္စ 
မိန်းမဆန်မှ။
ဒီကိစ္စ
တံတားခင်းမှ။
ဒီကိစ္စ
ရော့ဒီမှာ
ရသလောက်အဖေ့ကျောပေါ်နင်းလျှောက်။

ပြန်လာရင်
အဖေ့ အသားစိုင်တွေပေါ်
သမီးနုပျိုခြင်းနဲ့ ဉာဏ်ပညာ အလင်းကို
အလံအဖြစ်စိုက်ထူ
လူးနေတဲ့ကမ္ဘာကို ရအောင်ထိန်းပေရော့။ ။

ခရမ်းပြာထက်လူ
၂    ၀    ၁    ၅

သမီးသို့ ( ၄ )

သမီးသို့ ( ၄ )

သမီး စာသွားအံတဲ့မြို့မှာ
အဆာခံသူ အာခံသူ တန်ဆာခံသူတွေနဲ့
လုံးထွေးနေလိမ့်မယ်။
ရပ်
ကြည့်
သွား
ဖြူဖွေးနေသော တံတားတစ်ခုကိုနင်းလျှောက်စဉ်
နီရဲနေသောသွေးများ ကပ်ပါလာတဲ့အခါ မကြောက်ပါနဲ့လေ 
အဲ့ဒါဟာ သမိုင်းတစ်ခု။
ကြည်လင်နေသော ရေကန်တစ်ခုကို ငုံ့အကြည်မှာ
နောက်ကြည့်နေသော အတိတ်ရဲ့အော်သံ ခေါ်သံ ငိုယိုသံများကြားခဲ့ရင် မလန့်ပါနဲ့လေ 
အဲ့ဒါဟာ သမိုင်းတစ်ခု။
ရော်ရွက်ဝါတွေနဲ့ သစ်ရွက်စိမ်းတွေတစ်ပြိုင်တည်းကြွေနေတာတွေ့ရင်လည်း မအံသြပါနဲ့
ဒါဟာ ပစ္စုပ္ပန်ရဲ့ သမိုင်းလိုင်းပူးနေမှုတစ်ခု။
စာသင်ခန်းတွေထက်
စာကြည့်တိုက်တွေက ပိုကျက်သရေရှိတယ်ဆိုတဲ့အဘိဓမ္မာ
ဒီမှာ မမှားသေးဘူးကွဲ့။
ရပ်
ကြည့်
သွားပါသမီး
ရှေး ကဗျာတွေနားထောင်
hip hop တွေလည်းဖတ်
ဂန္ဓဝင်ဂီတတွေပြန်ဖတ်
ခေတ်ပြိုင်ကဗျာတွေလည်းနားထောင်။
ရပ်
ကြည့်
သွားပါသမီး
စာလည်းအံ
ဖြတ်ပျံနေတဲ့ငှက်တွေကိုလည်းကြည့်
ငါကယ်မှရမယ် စိတ်ကြီးဝင်မှု တလွင့်လွင့်နဲ့ 
သင့်ကြောင့် ကမ္ဘာကြီး မီးမလောင်ပါစေနှင့်ပြဌာန်းစာအုပ်များလည်းပိုက်လို့ပေါ့
သေချာမှုက အသေအချာ မီးဖိုဆောင်နန်းကခွါ
လမ်းမပေါ်လမ်းတွေမွေးပစ်လိုက်မယ်ဆိုတဲ့ မိန်းမတစ်ယောက်အဖြစ် 
အချိန်တိုင်း လောကကြီးနဲ့တစစ်စစ် စစ်ဖြစ်နေလိုက်စမ်းပါသမီး။ ။

ခရမ်းပြာထက်လူ
၂    ၀    ၁    ၅


သမီးသို့ ( ၃ )

သမီးသို့ ( ၃ )

ကြည့်စမ်းသမီး
အရိုးအရည် သွေးသံတရွှဲရွှဲနဲ့ မီးတောက်အင်္ကျီတွေဝတ်လို့
ကမ္ဘာကိုလွတ်ချပြီး
ထွက်ပြေးနေရတဲ့ ကလေးတွေ။

ကြည့်စမ်းသမီး
ခြေမွှေးမီးမလောင်း လက်မွှေးမီးမလောင်း
ကမ္ဘာကိုသိမ်းပိုက်တော့မလို
ချောကလက်သံတညံညံနဲ့ ချီတက်နေတဲ့ကလေးတွေ။

သူတို့ကိုစာနာဖို့
ချီလေသူများထဲ
ခု သမီးဘယ်နားရောက်နေပြီလဲ။ ။

ခရမ်းပြာထက်လူ
၂    ၀    ၁    ၅



သမီးသို့ ( ၂ )

သမီးသို့ ( ၂ )

ဘတ်စ်ကားများစီးတဲ့အခါ
အာရုံကိုဖွင့်ထားပြီး ဖုန်းကိုပိတ်ထားပါ။
အဝေးကအသံထက် အနီးအနားကိုနားထောင်
တောရိုင်းပန်းရနံ့တွေပေါ်ဖြတ်ပြေးနေသော ဂျက်လေယာဉ်ပျံများ
သတိထားပါ။
သံဗုဒ္ဓေ 
သတိရပါ။
ကမ္ဘာကြီးနဲ့အနီးတစ်ဝိုက်
ရန်ကုန်ရဲ့လမ်းကျဉ်းလေးများအထိ
အအေးတစ်ခွက် သကြားလုံးတစ်လုံးကအစ အန္တရာယ်
အကြမ်းဖက်သမားဟာ အဲ့ဒီထဲပုန်းနေတယ်။
သူငယ်ချင်းတွေထဲမှာ
မူဆိုလိုနီ ဟစ်တလာ ဖရန်ကို အဲ့ဒီနာမည်များတွေ့က delete လုပ်ပါ
တစ်နေ့ပြီးတစ်နေ့
တစ်လမ်းပြီး တစ်လမ်းပြီးတဲ့အခါ
သမီးရဲ့စိတ်များ အရိပ်ထွက်လာမယ်
သင်တန်းတွေအပြင်ဘက်မှာလည်း
သင်ခန်းစာတွေအများကြီး သိလာမယ်။
လွယ်ပါတယ်ဆိုတာများ
ငှက်ပျောခွံတက်နင်းပြီးချော်လဲတတ်ကြောင်း သိလာမယ်။
ကိုယ့်ကြောင့်
အခန်းတစ်ခန်း လမ်းတစ်လမ်း မြို့တစ်မြို့ မလေးလံစေနဲ့သမီး
ပေါ့ပါးအောင်နေ
လေးလံတဲ့ပင်စည်ရဲ့အခေါင်အဖျားမှာပွင့်နေတဲ့ ပန်းလိုပေါ့။
အိပ်ပျော်ဖို့ဆို
ဒန်းလော့မွေ့ယာများထက်
သင်ဖြူဖျာလေးက မိုမိုက်မယ်
ဘုရားရှိခိုးပြီး
ညအိပ်ယာမဝင်ခင်
ပြတင်းပေါက်ကနေ ဆီးကြည့်
ဒီမြို့ကို ဘယ်သူမှမပိုင်ဘူးဆိုတာနဲ့
တစ်နေကုန်
ဒီမြို့ကိုသမီးသိမ်းပိုက်ခဲ့ကြောင်း ခြေရာတွေပြန်ကောက် တွေ့ရလိမ့်မယ်။ ။

ခရမ်းပြာထက်လူ
၂    ၀    ၁    ၅

သမီးသို့ ( ၁ )

သမီးသို့ ( ၁ )

ဆက်လျှောက်ပါ
ရန်မကုန်တဲ့ ရန်ကုန်လမ်းမတွေပေါ်မှာ
ရှေ့တည့်တည့်ကလာနေတဲ့ မျက်လုံးတွေ ကားတွေ လမ်းမတွေ
အထဲမှာ
စာအုပ်တွေ လက်နက်ပုန်းတွေ လမ်းပြကြယ်တွေ။
သင်ယူပါ
မိတ်ဆွေတစ်ရာဟာနည်းပြီး
ရန်သူတစ်ယောက်ဟာများတယ်ဆိုတဲ့စာတွေဖတ်လို့
ရန်ကုန်ဟာ
အခန်းအကျယ်ကြီးဆိုပေမယ့်
အဆန်းကျယ်ကြီးတော့ မဟုတ်သေးပါ။
စီးပါ ၊ ဘာသာဗေဒ ၃,၄ မျိုးအသံထွက်တဲ့
ဖိနပ် ၄,၅ မျိုးကို စီးတယ် ၊ စီးပါ
အဓိက 
ဘဝကို ဘဝဂ်ညံအောင် ဘဝင်မြင့်ပြီးရင် မြေကြီးမှာပြန်လည်ထွန်ယက်ဖို့ ပြန်လာပါ။
သင်ယူပါ
သစ်ပင်တွေဆီက ( သင် ) ယူပြီးတဲ့နောက်
သစ်ပင်တွေကို ပြန်စောင့်ရှောက်ပါဆိုတဲ့ အဘိဓမ္မာမျိုးနဲ့
ဆက်လျှောက်ပါ။

သင်ယူပါ
အဖေ့အိမ်ရဲ့အပြင်ဘက်မှာ
မေတ္တာတရားကလွဲရင် အားလုံးအသံကျယ်ပါတယ်။ ။

ခရမ်းပြာထက်လူ
၂   ၀   ၁   ၅

အလုပ်ကြမ်းနဲ့ ထောင်တန် ၃ ရွက်

အလုပ်ကြမ်းနဲ့ ထောင်တန် ၃ ရွက်

ဘုရားသခင်နဲ့ ခွေးတစ်ကောင်
အတူတူပါပဲဆိုတဲ့ အကြမ်းဖက်သမားတွေရဲ့ကြားမှာ

ဗလာစီယာနဲ့ အတွင်းခံဘောင်းဘီပြီးရင် ပြီးပါပြီဆိုတဲ့
အဖွင့်ကြမ်း အတက်ကြမ်း 
ယဉ်ကျေးမှု အရင်းကျမ်းကြီးပါပြုတ်ထွက်သွားတဲ့
ယဉ်ကျေးပါတယ်ဆိုတဲ့ လူ့အဖွဲ့စည်းကြီးတစ်ခုရဲ့အန်ဖတ်တွေကြားမှာ

ထောင်မြင်ပေမယ့်
ရာနဲ့ချီစွန့်သွားတဲ့ တော်လှန်ရေးသမားတွေနဲ့
ထောင်မြင်လို့ ရာစွန့်နေတဲ့ ခရိုနီတွေကြားမှာ

ကားတွေကလည်း ကောင်းပါတယ်
လမ်းတွေကလည်း ကောင်းပါတယ်
လူတွေကလည်း ကောင်းပါတယ်

သာမန်ပြည်သူ အူတူတူလေးများမှာတော့
နေ့စဉ်
အလုပ်ကြမ်းနဲ့ ထောင်တန် ၃ ရွက်
မိသားစုအထဲ ဘယ်သူ့အသက်ကို အရင်ကယ်ရမလဲနဲ့ သွေးခဲလို့။ ။

ခရမ်းပြာထက်လူ
၂၀၁၄ ခုနှစ်ထုတ် " ခရမ်းပြာထက်လူ ၉၉ " ကဗျာစာအုပ်မှ

ကြယ်များရဲ့ ရာဇဝင်

ကြယ်များရဲ့ ရာဇဝင်

မာတင်လူသာကင်း ဂျူနီယာမှာ
အိပ်မက်တစ်ခု ရှိခဲ့တယ်
အမေရိကန် အာဖရိကန်တွေ လွတ်မြောက်ဖို့။

ကျွန်တော်တို့ရဲ့ဒီမိုကရက်တစ်ခေါင်းဆောင်တွေမှာလည်း
အိပ်မက်တစ်ခု ရှိလိမ့်မယ်။

( ဒီလိုဆို မှားနေပြီဆိုတဲ့
အောက် ဖေါ်ပြပါ စာသားမျိုး )

 "ငါ့ကို လူတွေ အလွတ်ရစေဖို့ "
" ဒီလမ်းကို ငါ့နာမည်ပေးလိုက်ဖို့ "

ဒီ့အတွက် ကျွန်တော်တို့မှာ
ရှင်ခဲ့ရတဲ့ ဒုက္ခတွေ
သေခဲ့ရတဲ့ နှစ်တွေ
အိတ်စိုက်ပြီး ရှင်းခဲ့ရတဲ့ လမ်းတွေ
ဖဲ့ဖဲ့ပြီး ပေးလိုက်ရတဲ့ မိသားစုတွေ
သွေးစတွေပါလာတဲ့အထိ ညှစ် ညှစ်ချပေးခဲ့ရတဲ့ မိခင်များရဲ့ နို့ရည်တွေ။

မျိုးဆက်တစ်ခုလုံး
မော့မော့ပြီး ကြည့်ခဲ့ရတဲ့ကောင်းကင်မှာ
ခင်ဗျားတို့နာမည်ပေးထားတဲ့ ကြယ်တွေ
နီစွေးတောက်ပ ပွက်ပွက်ဆူနေမှာပေါ့
ကျဆုံးလေပြီးသော
ကျွန်တော်တို့ရဲ့ ညီငယ် ညီမငယ်
အစ်ကို အစ်မတွေရဲ့ သွေးဝိညာဉ်တွေနဲ့ လုပ်ထားခဲ့တာကိုး။ ။

ခရမ်းပြာထက်လူ
၂၀၁၄ ခုနှစ်ထုတ် " ခရမ်းပြာထက်လူ ၉၉ " ကဗျာစာအုပ်မှ

Thursday, December 10, 2015

အသံတွေ

အသံတွေ

တစ်စုံတစ်ခုဟာ တစ်စက်တစ်ပေါက်ကနေ
တစ်စုတစ်ဝေးထဲပေါက်လာ ပဲတီပင်ပေါက်ဖောက်
ရောက်လာသလို ၊ အလို ဒီကနေ့လည်း မင်းအသံတွေကျုံးပြီး ယူလာ
ဒါ ကျုံးထဲက မကျုံးရသေးတဲ့အသံတွေ
အသက်မသေပဲ ကျန်နေတဲ့ ဗေဒါတွေရဲ့ အသံတွေ
ဒီအသံ ဟိုအသံ ဒန်အိုးဒန်ခွက်ခေါက်သံ
အိမ်ရိုက်သံ တောင်ဖြိုသံ ဘုရားဝတ်ပြုသံ
မြို့ထဲမှာ ရေတွေလှိမ့်ဝင်လာသံ ၊ လာ ... ဒီမှာချ ... လာ
ငါတို့နည်း ငါတို့ဟန် ငါတို့အသံ
ငန်သလား ချိုသလား အရေးမကြီး
အရက်မူး အရောင်းထိုင်း လေးလံနေတဲ့အသံ
လေးသံ မြှားသံ မျှားနေတဲ့အသံ
အစာကို ခုန်ပျံဟပ်နေတဲ့ ဝေလငါးကြီးရဲ့အသံ
တစ်ဖက်ရေချိုးခန်းထဲ ရေပန်းကရားထဲက ရေတွေကျနေသံ
ဒီနေ့တွေ့ကြမယ် အထပ်ထပ် နှိပ်နေတဲ့အသံ
ကိုယ့်လူ ၊ အောက်သံ အထက်သံ နားရွက်ဖျားကလာတဲ့အသံ
အရေးမကြီး အရေးကြီးတာက ဒီအသံ ဒဏ်ရာ/မှန်ရာရှိသလား
ဒီအသံ ဒီသံပေါက်နေသလား ဒီအသံ
ဒီအနားမှာရှိနေသလား ဒီအသံ ဒီပြန်လာဖို့ နှစ်ပေါင်း ဘယ်လောက်
ပဲ့တင်ပြန်ဖို့ ခုသေလိုက်ရတော့မှာလား
ဒီနှစ်တော့ ဒါ ငါ့အတွက်ပဲ D တွေ ၄,၅ ခုနဲ့
ဒီအဖြစ်တွေကို လွတ်အောင်ခုန်ရမယ်
မင်းတွေ ငါတွေ ကျွန်တော်နဲ့ ကျွန်မ
လွတ်အောင်ခုန်နေတဲ့ အသံတွေ
အသံတစ်သံဟာ အချိန်ရှိနေသ၍ လှိုင်းနဲ့
နံရံတွေရှိနေသ၍ အမြဲပျံသန်း
ကာတ်ကိုဘိန်း ရဲ့ အသံ ရွှေမန်းတင်မောင်ရဲ့အသံ
မာယာကော့ဖစကီးယ် ရဲ့အသံ မောင်ချောနွယ်ရဲ့ အသံ
အက်ဒဝပ်မွန့်ခ်ျ နဲ့ ပေါ်ဦးသက်ရဲ့အသံ
ပေါ်ဦးပေါ်ဖျား စားချင်နေတဲ့အသံ
သဲဖုန်လူးနေတဲ့ ပေါင်မုန့်တစ်ချပ် ကောက်/ရှောင်ဝါးနေတဲ့အသံ
တစ်ကိုယ်လုံးရွှေတွေအိလို့ ဘာထိထိ ငြိနေတဲ့ကောင်
ငါ့သူငယ်ချင်း မောင်ဖုန်း ငယ်ငယ်က စာဆိုရင် လိုက်ဝါးနေတဲ့အသံ
လှေနံ ၂ ဖက် ၊ ငါးရံ့ ၂ ကောင် ၊ တူ ၂ ချောင်းနဲ့ ထိုးထိုးဆွဆွ
လေရော ရေပါ စုပ်သွင်းနေတဲ့အသံ
ဟန်ကျသဗျာ ခံချရတာ မနိပ်ဘူး
ခေါင်းဝင်ထိုး အမြင့်ကြံ ကြံနေတဲ့ အသံ
သမိုင်းကျန် လမ်းကျန်လေးများမရှိတော့ဘူးလား
တစ်ချိန်လုံးတောင်းနေတဲ့အသံ ၊ သူမသေခင် သူ့လက်ကို
ဝယ်ထားချင်တယ်ဆိုတဲ့ အသံ ဗောင်ဗင်ခတ်နေတဲ့ အသံ
အသံဟာ မှန်တယ်ဆိုရင် ဘယ်တော့မှ ခန်းတယ်မရှိ
ညည နားရွက်ကြီးဖြဲကား မောင်းထည့်နေတဲ့အသံ
အသံတွေဟာ တစ်စုံတစ်ရာကို ကိုယ်စားပြု
ကိုယ်စားပြီး ပစ်ချလိုက်တဲ့ အရိုးတစ်ချောင်း လိုက်ဖမ်းနေခိုက်
ရေထဲပြုတ်ကျသွားတဲ့အသံ ၊ အသံဟာ
တစ်စုံ တစ်ရာ နှစ်ရာကို ကိုယ်စားပြု
ဟဲ့ ခွေး"" မောင်းထုတ်နေတဲ့အသံ
အသံဟာ တစ်ခုခုကို
" ဟဲ့သား ... အိပ်တော့လေ " နွေးထွေးသမှုပြု ယုယနေတဲ့အသံ
ဌာန်နဲ့ မာန်နဲ့ အသံဟာ အသံကိုထပ်ပြီးသယ်ဆောင်
သောင်မရှိ သဲမရှိ သစ်မရှိ ဝါးမရှိနေတဲ့အသံ
လတ်တလော မာဆယ်ဒူးရွန့်ရဲ့ အိမ်သာကြွေခွက် ကျကွဲသံ
ငှက်တစ်ကောင် လေခဲပြင်နဲ့ရိုက်ပြီး ထိုးကျလာတဲ့အသံ
လကမ္ဘာပေါ် လမ်းလျှောက်နေတဲ့အသံ မိလ္လာကျင်းထဲ
ပြေးလွှားပြုတ်ကျသွားတဲ့ ဂျူးကလေးငယ် ၂ယောက်ရဲ့
အသက်ခိုးရှူသံ ဘက္ကဒက်က ဘန်ကာနဲ့
လူတွေပွင့်ထွက် ပွက်လောရိုက်နေသံ ၊ အသံတွေ
မကျန်စေနဲ့ ဟိုက ဒီက အကုန်ယူလာ
ဒီမှာ တည့်တည့်ချ မီးပုံဖို ဘာဘီကျူး ... ကျူးဖို့
အသံတွေ သန်မာအောင် သွေးကိုလောင်း ချွေးကိုလောင်း
တစ်ကြောင်းချင်း တစ်ပိုဒ်ချင်း ခင်းသွားအောင်
သီချင်း ကဗျာ ဆေးစက် သွက်သွက်ထည့် ကကြ
အသံတွေ အဆံတွေ အလံတွေ ဝက်ဝက်ကွဲ ၊ ကဲ ထကြ။ ။

ခရမ်းပြာထက်လူ
၂၀၁၀ ခုနှစ်ထုတ် " နံရံမှာ ငါရေးထွင်း " ကဗျာစာအုပ်မှ