ပန်းချီ ရုပ်ပုံများ

ငြိမ်းချမ်းရေးမိခင်

 

ကျည်ဆံတွေက

ကျွန်မခန္ခာကိုယ်အနှံ့ အပေါက်တွေဖေါက်ထွက်ခဲ့မယ်ဆိုရင်
အဲ့ဒီအပေါက်တွေကထွက်ကျလာမယ့် အလင်းတန်းတွေဟာ
အမှောင်တိုက်ထဲမှာ ပျောက်ဆုံးနေတဲ့
ရှင်တို့ရဲ့လမ်းတွေကို လင်းထင်းမြင်သာပါစေသား။

ရှေ့မှာချောက်ရှိလည်း
ရမယ်ဆို ဆင်းမယ်
ကျမဘာလိုချင်လဲ ရှင်တို့သိပါတယ်။

မျက်ကန်းတစ္ဆေမကြောက်သတဲ့လား
ဘယ်ဟုတ်ပါ့မလဲ
တစ္ဆေကမှ ကျွန်မကို ကြောက်အောင်မခြောက်နိုင်တာ။

ငြိမ်းချမ်းရေးအတွက်
ဘီလူးစည်း လူ့စည်းမရှိဘူး
ငြိမ်းချမ်းရေးအတွက်
နှလုံးသားမှာ စည်းနီ စည်းဝါ စည်းမထားဘူး။
နတ်ဒေ၀တာတွေက
ကျွန်မအကြောင်းကောင်းကောင်းသိကြတယ်
ပြီးတော့ ကျည်ဆံတွေကလည်းပဲပေါ့။

မပြစ်မှားနဲ့ ပစ်ရင်မှားမယ်။

ကျမဟာ ကျမအတွက်ရောက်လာတာမဟုတ်ဘူး
သန်း ၆၀ အတွက်
ခုဆို သန်း ၇၀၀၀ အတွက်ပါ ကျမ
ကမ္ဘာနဲ့စာချုပ် ချုပ်
အဲ့ဒီအထဲမှာ ရှင်နဲ့ ရှင့်မိသားစုတွေ အကုန်လုံးပါတယ်ဆိုတာကိုလည်း ကျမကပြောချင်တာ။ ။

                                                                                                    ခရမ်းပြာထက်လူ
                                                                                                   
ဒီကဗျာကိုရေးပြီးကိုင်ထားတုန်းရှိနေဆဲမှာပဲ
CNN ရုပ်သံလွှင့်ဌာနနှင့်ဒေါ်အောင်ဆန်းစုကြည်တို့ တွေ့ဆုံမေးမြန်းခန်းတစ်ခုကိုပြန်လည်ဖေါ်ပြထားသည့်
HOT NEWS ဂျာနယ်မှာပါတဲ့ဆောင်းပါး ရှင် အောင်မြင်သူ ရဲ့ဆောင်းပါတစ်ပုဒ်မှ
တစ်ချို့ကိုပြန်လည်လက်ဆင့်ကမ်းလိုက်ပါသည်။

CNN   ဟိုအရင်တစ်ချိန်ကအဖြစ်အပျက်တစ်ချို့သတိရသေးလားမသိဘူး။
စစ်သားတွေက သူတိုဘက်ကိုလျှောက်လာတဲ့ဒေါ်စုကို သေနတ်နဲ့ချိန်ထားဘူးတယ်နော်။
အဲ့ဒီအဖြစ်ကိုမှတ်မိသေးလား။
ဒေါ်စု   အဲ့ဒီအဖြစ်ကကြာလှပါပြီ။
CNN   မှတ်မိသေးလား။ သိပါရစေ။
ဒေါ်စု   မှတ်မိပါတယ်။
CNN   တခြားလူတွေကနောက်မှာကျန်ရစ်ပြီး ဒေါ်စုတစ်ယောက်တည်းရှေ့ကိုဆက်သွားတာနော်။
သူတို့ဆီကိုတည့်တည့်လျှောက်သွားတော့တာပဲ။အဲ့ဒီတုန်းက စိတ်ထဲမှာဘယ်လိုခံစားရလဲ။
ဒေါ်စု   ပြောရရင် ကျွန်မမှာရွေးချယ်ခွင့်သိပ်ရှိခဲ့တာမဟုတ်ပါဘူး။ဘာကြောင့်လည်းဆိုတော့
အစကသူတို့ပြောတာက အားလုံးလမ်းဘေးကိုကပ်ပါတဲ့။ အဲ့ဒါနဲ့ကျွန်မက လမ်းဘေးကပ်နေဖို့
ကျွန်မတို့လူတွေကိုပြောပါတယ်။ပြီးလည်းပြီးရော အဲ့ဒီစစ်ဗိုလ်က လမ်းဘေးကပ်ကပ် လမ်းဘေးလျှောက်လျှောက် ပစ်မယ်ဆိုတဲ့ပုံစံမျိုးပြောတယ်။ ဒီတော့ ကျွန်မလည်း ဒီလိုဆိုရင်တော့
လမ်းပေါ်တက်တာကမှကောင်းဦးမယ်ဆိုပြီး ဆုံးဖြတ်လိုက်တာပါ။ (ရယ်လျှက်)
CNN   တကယ်လည်းကျရော သူတို့မပစ်ခဲ့ဘူးနော်။ အဲ့ဒါကိုရော ဘယ်လို ဘာကိုပြသလဲ။
ဒေါ်စု   မပစ်ဘူးဆိုတာကဒီလိုပါ အဲ့ဒီအချိန်မှာ ဗိုလ်မှူး Major တစ်ယောက်ကပြေးလာတယ်။
အစက သူက ကျွန်မတို့နောက်ကလျှောက်နေတာ ။ ပြီးမှပြေးလာပြီး တာဝန်ကျတဲ့စစ်ဗိုလ်
Captain လေးထင်ပါရဲ့။ သူ့ကို မပစ်ဖို့အမိန့်ပေးတာပါ။ ဒါစစ်မြေပြင်မဟုတ်ဘူး နိုင်ငံရေး  ဟု
အော်ဟစ်ဝင်ရောက်တားဆီးအမိန့်ပေးသူမှာ ဗိုလ်သင်တန်းအပတ်စဉ်(၃၁)မှ ဗိုလ်မှူး တင်ဖေအေး
ဖြစ်သည်။ နောက်တော့ သူ အဲ့ဒီ Captain ထံရောက်သွားသည်။ Captain ကို ဂဠုန်ဦးစောလိုမဖြစ်စေချင်လို့ပါ  ဟုပြောပြသည်။
ကျွန်တော့်နောင်တော်ကြီး မည်သည့်ရွယ်ချက်ဖြင့်
ပစ်မိန့်ကိုတားဆီးခဲ့သည်ကို ၁၉၉၆ခုနှစ်တွင် ကျွန်တော်မှတ်မှတ်ရရမေးမိပါသည်။

                                 သူက တို့ဗိုလ်ချုပ်ရဲ့သမီးလေ တဲ့

စစ်ပွဲများ(၅)

တစ်ယောက်နဲ့တစ်ယောက်မသိကြပဲ လှံစွပ်နဲ့ပြေးထိုး
ပြီးမှတစ်ယောက်အိပ်ကပ်ထဲက မိသားစုဓါတ်ပုံ တစ်ယောက်
ထုတ်ကြည့်ပြီးဝမ်းနည်းကြရတယ်။

ပစ်ကွင်းထဲမှာ
ဒါ သူ့သားလေးနမ်းနေကြ နဖူးလေးများလား။
ပစ်ကွင်းထဲမှာ
ဒါ သူ့သမီးလေးနမ်းနေကြ နဖူးလေးများလား။
မစဉ်းစားနဲ့
ငါတို့က လက်ဖြောင့်သေနတ်သမားတွေ။

မနေ့က ပန်းအိုးကျကွဲတယ်။
ညက အိပ်မက်ဆိုးတွေမက်တယ်။
ဘုရားစင်ရှေ့အလီလီထိုင်ကာ အိမ်ရှင်မ ငါးသက်စေ့ သွားသွားလွှတ်နေခဲ့ရပေါ့။ ။

                                                                                              ခရမ်းပြာထက်လူ
                                                                                                 ၂   ၀   ၁   ၂

စစ်ပွဲများ(၄)

အာဖရိကရဲ့မြက်ခြောက်ပင်တွေပေါ်မှာ
အရေပေါ်အရိုးတင်ထားတဲ့ ကလေးငယ်တစ်ယောက်ထိုင်နေတယ်။
သူ့နောက်ကျောမှာ လင်းတငှက်တစ်ကောင်
သူ့ရဲ့ညစာကို စိတ်ရှည်လက်ရှည်စောင့်လို့။

တ၀ုန်းဝုန်းပေါက်ကွဲသံတွေထဲကပြေးထွက်လာတဲ့လျှာတစ်ချောင်းက
သူ့ခန္ဓာကိုယ်ပေါ်က အ၀တ်စတွေကိုစိတ်ကြိုက်စားသောက်လို့။
မီးတောက်များတန်းလန်းနဲ့ပြေးထွက်လာတဲ့
အဲ့ဒီ ဗီယက်နမ်ကလေးမလေးရဲ့ကိုယ်လုံးတီးဓါတ်ပုံ
နယ်ခြားမျဉ်းတွေကိုခုန်ကျော်လို့ ကမ္ဘာပေါ်ပုံလဲကျသွားတယ်။

ဘုရားသခင်
မိုးရိပ်မိုးငွေ့တွေသန်းလာတဲ့အခါ ဘာလို့မှန်းမသိ
ကျွန်တော်ငိုချင်လာမိတယ်။

စစ်ရိပ်စစ်ငွေ့တွေသန်းလာတဲ့အခါမှာတော့
ကျွန်တော်ဟာ
အဖိုးအဖေနဲ့အမေတို့ရှိရာသင်္ချိုင်းမြေဆီတဟုန်တိုးပြေး
သူတို့အုတ်ဂူတွေကို
ခွေးတစ်ကောင်အမဲရိုးရှာသလို အသည်းအသန်ယက်ကန်ကာဖွင့်
တစ်ကိုယ်လုံးတစ်ဘ၀လုံးပစ်ဝင်
စစ်ကိုအပြီးဝင်ရှောင်ပုန်းနေလိုက်ရတာ
ဒီနေ့အထိ ကျွန်တော့်ကိုယ်ကျွန်တော် ပြန်ထုတ်လို့မရတော့ဘူး။ ။

                                                                                          ခရမ်းပြာထက်လူ
                                                                                          ၂    ၀    ၁    ၂

စစ်ပွဲများ(၃)

စစ်ဘိနပ်တွေက ကျွန်တော့်ခါးရိုးပေါ်မှာ
စစ်ချီတေးတွေသီလို့ လျှောက်နေကြတယ်။

အများသူငါ ဆာနေတဲ့လမ်းမတွေပေါ်မှာတော့
သံချပ်ကာတင့်ကားတွေ ဥဒဟို ဖြတ်မောင်းလို့။

နှင်းဆီနံ့ စံပယ်နံ့ ကံ့ကော်ပန်းနံ့တွေအစား
ပတ်ဝန်းကျင်တစ်ခုလုံး ယမ်းခိုးယမ်းငွေ့တွေ ရမ်းကားနေ။

မော့ကြည့်လိုက်တော့
ကောင်းကင်ပြင်ကြီးထဲမှာ
ကားစင်တင်ခံရမယ့် လူ့သမိုင်းကြီးတစ်ခုဟာ စီးမျောလို့။ ။

                                                                      ခရမ်းပြာထက်လူ
                                                                       ၂   ၀   ၁   ၂

စစ်ပွဲများ(၂)

အဲ့ဒီ ဂစ်တာလေး မ၀ယ်ပေးရင်လည်းနေတော့
မုန့်ဖိုးမရှိလို့မပေးနိုင်ရင်လည်းရပါပြီ၊ အမေသာပြန်လာခဲ့ပါတော့။

ညီလေး ရပါတယ်ကွ
အစ်ကို့ဗလာစာအုပ်တွေ မင်းကြိုက်သလောက်ဖြ၊ဲ လာလေကွာ လာပါ။

အဖေ
ကျွန်တော် နောက် ဘယ်တော့မှကျောင်းမပြေးတော့ဘူး ဟုတ်လား။
နွေရာသီ ကျောင်းပိတ်ရက်တွေရောက်ရင်
အဖေ့လယ်နဲ့ကိုင်းတွေကိုဝင်ကူပေးဦးမယ်။
အဖေလည်းပြန်လာပါ။

ကျွန်တော်တစ်ယောက်တည်း
ကန်စင်းရိုးတွေအတိုင်း အဲ့ဒီလိုအော်လိုက်ရင်
ကျွန်တော့်အသံ သတင်းစာတွေထဲရောက်သွားနိုင်မလား။

ဂျပန်ပြည်က ဆူနာမီလှိုင်းကြီးအော်တက်လာသလို
ကျောင်းစာအုပ်မျက်နှာဖုံးပေါ်ကပါလာတဲ့
အက်ဝပ်ခ်ျမွန့် ပန်းချီကားထဲကအော်သံအတိုင်း၊
ကျွန်တော်
နေ့တိုင်း သူတို့ကို ပြန်လည် အော် ခေါ်ယူနေခဲ့ မိတယ်။ ။
                                                                            
                                                                          ခရမ်းပြာထက်လူ
                                                                              ၂   ၀   ၁   ၂

စစ်ပွဲများ(၁)

အဖေ ရှေ့တန်းတိုက်ပွဲကပြန်လာပြီဆို
ကျွန်တော်တို့တစ်အိမ်လုံး မီးကုန်ယမ်းကုန်ပျော်ကြတယ်။

ဘာဘီကျူးမီးပုံကြီးအောက်မှာ
အဖေ့ပခုံးပေါ်ကကြယ်တွေ တလက်လက်တောက်ပ။

အမေက
အဖေ့ဦးထုပ်ကိုအသာအယာလှမ်းချွတ်ကာ
ခြေဖျားလေးအသာထောက် အဖေရဲ့နဖူးက်ိုညင်ညင်သာသာလေးမော့နမ်းလို့။

ကျွန်တော်တို့က
အဖေ့ပေါင်ပေါ်ကိုအလုအယက်တက်ထိုင်ကာ
အဖေ့ရင်ဘတ်ထဲတိုးဝင် အဖေ့အောင်ပွဲတွေကိုအငမ်းမရတူးစွခဲ့ကြတယ်။

ဘေးအိမ်ကရေဒီယိုထဲမှာတော့
ခြေပြတ်လက်ပြတ်တွေ
မိဘမဲ့သွားတဲ့ကလေးတွေ
ပျောက်ဆုံးနေတဲ့အလောင်းတွေနဲ့
အပျက်အစီးတွေအကြောင်း တစ်ညလုံးတင်ဆက်လို့။ ။
                                                                 ခရမ်းပြာထက်လူ
                                                                  ၂    ၀    ၁     ၂

ကတ္တီပါတော်လှန်ရေးမှ သံမဏိနှင်းဆီသို့

ကျွန်တော်အားမပေးလည်း ခင်ဗျားက အားရှိနေမယ့်သူပဲ။
ကျဉ်းတယ်ကျယ်တယ်ဆိုတာ စိတ်ရဲ့တည်ဆဲဥပဒေပေါ်က အမှတ်အသားတစ်ခုပဲ
အဲ့ဒီတုန်းက ခင်ဗျားအကျဉ်းထဲကျနေပေမယ့်
ခင်ဗျားဘာသာတရားက ခင်ဗျားကို ဆွဲထုတ်ထားလိမ့်မယ် ဒါကြောင့် ခင်ဗျားလွတ်မြောက်နေလိမ့်မယ်။
ခင်ဗျားအဖေက ခင်ဗျားဆီ မကြာခဏလာကာ
ခင်ဗျားကိုအားပေး သွေးသွင်းပေးနေလိမ့်မယ်ဆိုတာ ကျွန်တော်ယုံတယ်။
ပြီးတော့ စာအုပ်တွေ
အချိန်တွေက စာအုပ်တွေကိုပေးတဲ့အခါ စာအုပ်တွေက ခင်ဗျားကို မြေပုံတွေပြန်ပေးနေမှာပေါ့
ဒါကြောင့် စိတ်ရှည်လက်ရှည် ဟိုးရှေးဂရိခေတ်များအထိ ခင်ဗျားတိုးဝင်ကာ
အေသင်မြို့ပြနိုင်ငံတွေထဲထိ ခင်ဗျားလျှောက်သွားလို့ နံရံတွေကို ဖွင့်ကြည့်နေလိမ့်မယ်

အဲ့ဒီအခါ လူချမ်းသာများသာ မဲပေးခွင့်ရှိအဆိုကိုတွေ့တဲ့အခါ
စိတ်ထဲက ခင်ဗျား ထကန့်ကွက်လို့။

အမျိုးသမီးနဲ့ကျေးကျွန်များ မဲပေးခွင့်မရှိနေရာရောက်တဲ့အခါမှာတော့ ရုတ်တရက်
ခင်ဗျားဟာ ကုလားထိုင်ကဆတ်ခနဲထ ခြံထဲလမ်းဆင်းလျှောက်နေလိမ့်မယ်။

မဲဆန္ဒပေးသူနည်းသော အရွေးချယ်ခံသူကို
မြို့ပြင်ကိုထုတ်ထားတဲ့ အထူးခြားဆုံးအေသင်သားတို့ရဲ့စံနစ်ကို ရောက်တဲ့အခါ
ခင်ဗျားရယ်ရွှင်ပြုံးမိမှာကို ကျွန်တော်တွေးရင်း ကြည်နူးမိပါရဲ့။

ခင်ဗျားအကျဉ်းထဲရောက်နေတဲ့အခါ
ခင်ဗျားအကြောင်း အကျယ်ကြီးပြောနေတဲ့ကမ္ဘာကြီးကို ပန်းပွင့်ကလေးတွေနဲ့
ကျေးငှက်ကလေးတွေက ယူလာပြမှာပေါ့။

ခင်ဗျားသိမှာပါ
ကျွန်တော်တို့အားလုံးလည်း အကျယ်ထဲမှာအကျဉ်းကျနေတယ်ဆိုတာ။

ယုံကြည်ပါဗျာ
ယုံကြည်သူချင်းပွင့်နေတဲ့ပန်းတွေမို့ လောကဓံ(၈)ပါးဟာ မွှေးနေပါလိမ့်မယ်။

ငါတို့လူငယ်ဘ၀

အသွားထက်ဂျင်းဘောင်းဘီနဲ့ ရေတံခွန်လိုရွှဲကျနေတဲ့ဆံပင်တွေနဲ့
အရပ်သုံးဂစ်တာတစ်လက်နဲ့ ညတွေကိုဖြဲဖြဲပြီးရှာတယ်။

စိတ်ရှည် ဘ၀ရှည်
ကြယ်တွေကိုထုခွဲကာ ရှာမတွေ့ပြီးတဲ့နောက်။

အမွန်မြတ်ဆုံးအလုပ်တစ်ခုအဖြစ် စစ်ကိုအော်ဆဲခဲ့ကြတယ်။

ပြီးတော့
သူတို့ငြိမ်းချမ်းရေးကိုဆုမွန်ကောင်းတောင်းကာ
မနက်စောစော
လက်ဘက်ရေဆိုင်တွေဘက်ဆီ သံပြိုင်ထွက်ခဲ့ကြ။ ။

                                                             ခရမ်းပြာထက်လူ
                                                             ၂     ၀    ၁    ၂