ဆက်လျှောက်ပါ
ရန်မကုန်တဲ့ ရန်ကုန်လမ်းမတွေပေါ်မှာ
ရှေ့တည့်တည့်ကလာနေတဲ့ မျက်လုံးတွေ ကားတွေ လမ်းမတွေ
အထဲမှာ
စာအုပ်တွေ လက်နက်ပုန်းတွေ လမ်းပြကြယ်တွေ။
သင်ယူပါ
မိတ်ဆွေတစ်ရာဟာနည်းပြီး
ရန်သူတစ်ယောက်ဟာများတယ်ဆိုတဲ့စာတွေဖတ်လို့
ရန်ကုန်ဟာ
အခန်းအကျယ်ကြီးဆိုပေမယ့်
အဆန်းကျယ်ကြီးတော့ မဟုတ်သေးပါ။
စီးပါ ၊ ဘာသာဗေဒ ၃,၄ မျိုးအသံထွက်တဲ့
ဖိနပ် ၄,၅ မျိုးကို စီးတယ် ၊ စီးပါ
အဓိက
ဘဝကို ဘဝဂ်ညံအောင် ဘဝင်မြင့်ပြီးရင် မြေကြီးမှာပြန်လည်ထွန်ယက်ဖို့ ပြန်လာပါ။
သင်ယူပါ
သစ်ပင်တွေဆီက ( သင် ) ယူပြီးတဲ့နောက်
သစ်ပင်တွေကို ပြန်စောင့်ရှောက်ပါဆိုတဲ့ အဘိဓမ္မာမျိုးနဲ့
ဆက်လျှောက်ပါ။
သင်ယူပါ
အဖေ့အိမ်ရဲ့အပြင်ဘက်မှာ
မေတ္တာတရားကလွဲရင် အားလုံးအသံကျယ်ပါတယ်။ ။
ခရမ်းပြာထက်လူ
၂ ၀ ၁ ၅
No comments:
Post a Comment